Neyðarþjónusta Volvo hópbíla

Neyðarþjónusta hópbílaverkstæðis

Neyðarþjónusta fyrir Volvo hópbíla og strætisvagna hjá Velti er margþætt enda eru aðstæður viðskiptavina misjafnar. Við leggjum áherslu á að halda kostnaði viðskiptavina vegna neyðarþjónustu, þjónustu utan opnunartíma, sem lægstum og leitum ávallt leiða, í samstarfi við viðskiptavininn, um hagstæðustu leiðir og m.a. reyna að leysa málin í gegnum símann.

Gjald fyrir neyðarþjónustu

Neyðarþjónusta verkstæðis og varahlutaverslunar kostar kr. 25.000 fyrir hvert útkall og er útkallskostnaður til viðbótar við kostnað sem hugsanlega fellur til vegna viðgerðar og varahluta. Neyðarþjónusta er hugsuð fyrir viðskiptavini sem lenda óvænt í því að bíllinn bilar en þurfa nauðsynlega á viðgerð að halda utan opnunartíma.

Hvernig finn ég neyðarnúmerið?

Áður en þú hringir í neyðarsímann þá skaltu gjarnan velta fyrir þér hvort þér dugar að bíða til næsta virka dags - kannski geturðu sparað þér útkallskostnaðinn ef sú þjónusta dugar þér. Að öðrum kosti skaltu ekki hika við að hringja í neyðarsímann og óska eftir neyðarþjónustu.

Neyðarnúmer utan hefðbundins opnunartíma er í boði fyrir eftirfarandi atvinnubíla og atvinnutæki:

  • Volvo hópbílar og strætisvagnar: Neyðarsími fyrir verkstæði og varahluti: 898 5135

Neyðarþjónusta utan Reykjavíkur

Neyðarþjónusta utan Reykjavíkur er í boði hjá þjónustuaðilum okkar um land allt. Kostnaður vegna útkallsþjónustu fer eftir hverjum þjónustuaðila. Það sama gildir um neyðarþjónustu þjónustuaðila okkar og Veltis. Veltu fyrir þér hvort dugar að bíða til næsta virka dags - ef ekki, hikaðu þá ekki við að hringja.

Veltir er að auki með öflugan flota þjónustubíla sem tæknimenn okkar nota til að fara út á land til aðstoðar við viðskiptavini.